নিয়মীয়া বাৰ্তা, ৩ জুন : শোণিতপুৰৰ বালিপৰা আৰু চাৰিদুৱাৰত আজি বৃহৎ পৰিমাণৰ ড্ৰাগছ আৰু গাড়ীসহ দুজন লোকক আটক কৰাৰ ঘটনাই অঞ্চলজুৰি চাঞ্চল্যৰ সৃষ্টি কৰিছে । ঘটনাৰ বিৱৰণী মতে, চাৰিদুৱাৰ আৰক্ষীয়ে এক গোপন সূত্ৰৰ পম খেদি চলোৱা এক অভিযানত আজি লোক্ৰা-চাৰিদুৱাৰ হৈ ভালুকপুঙলৈ বুলি গৈ থকা এখন বলেৰ’ গাড়ী ( এ এছ ০১ এ পি ১৩০১ ) ফৰেষ্টগেট তালাচী চলায় । তালাচী চলোৱাত গাড়ীখনৰ পৰা আৰক্ষীয়ে ৬ টাকৈ ড্ৰাগছৰ কণ্টেইনাৰ জব্দ কৰে । লগতে ড্ৰাগছ সৰৱৰাহকাৰী কামিদ’ পাৰ্টিন নামৰ এজন লোকক আটক কৰে । ইপিনে ধৃত লোকজনক অধিক তথ্যৰ বাবে সোধা-পোছা কৰাত লোকজনে আৰক্ষীক দিয়া স্বীকাৰোক্তিৰ ভিত্তিত চাৰিদুৱাৰ আৰক্ষীক্ষে বিয়লি খনামুখৰ গুদামঘাটৰ এজন লোকৰ ঘৰত অভিযান চলায় । অভিযানকালত গুদামাঘাটৰ ইকবাল হুছেইন নামৰ লোকজনৰ ঘৰৰপৰা ৫৭ টা ড্ৰাগছৰ কণ্টেইনাৰ জব্দ কৰে । লগতে আৰক্ষীয়ে লোকজনক আটক কৰি থানালৈ লৈ আনে ।
প্ৰেৰক প্ৰাঞ্জল বৰা