🔹 ৰণক্ষেত্ৰত পৰিণত হাস্পতাল : দুজনৰ মৃত্যু
বিশেষ বাৰ্তা, ১৪ মাৰ্চ : কাছাৰৰ কাটিগড়া খেলমাত ভূমি বিবাদক কেন্দ্ৰ কৰি দুপক্ষৰ মাজত তুমুল সংঘৰ্ষ লাগে । সংঘৰ্ষত দুজনৰ মৃত্যু হোৱাৰ লগতে কেইবাজনো আহত হয়। ঘটনাক লৈ ৰণক্ষেত্ৰত পৰিণত হয় হাস্পতাল । পুৱা দুয়োপক্ষৰ মাজত সংঘৰ্ষৰ সৃষ্টি হয় । হাতত দা-লাঠীসহ বিভিন্ন অস্ত্ৰৰে এপক্ষই আক্ৰমণ কৰে আনটো পক্ষক। ফলত দুপক্ষৰ কেইবাজনো লোক গুৰুতৰভাৱে আহত হয় ৷ আহতসকলক উদ্ধাৰ কৰি ততাতৈয়াকৈ স্থানীয় কালাইন স্বাস্থ্যকেন্দ্ৰলৈ প্ৰেৰণ কৰা হয় যদিও ইয়াৰে দুজনৰ মৃত্যু হয় ৷ মৃত দুজনৰ নাম ৰাজু বৈষ্ণৱ আৰু দিৰেন্দ্ৰ বৈষ্ণৱ । লগতে অৱস্থা সংকটজনক হোৱা আন লোকসকলক শিলচৰ মেডিকেল কলেজলৈ প্ৰেৰণ কৰা হয় । পিছত আৰক্ষীৰ উপস্থিতিত পৰিস্থিতি নিয়ন্ত্ৰণলৈ আহে। সমগ্ৰ ঘটনাক কেন্দ্ৰ কৰি অঞ্চলটোত চেপা উত্তেজনা বিৰাজ কৰিছে।