নিয়মীয়া বাৰ্তা ডিজিটেল, ১২ ডিচেম্বৰঃ নগাঁৱৰ বামুণীৰ কুমাৰপাৰাৰ কছাৰী গাঁৱত এটা বনৰীয়া হাতীৰ কৰুণ মৃত্যু ঘটিছে। খাদ্যৰ সন্ধানত বনাঞ্চল এৰি জনাঞ্চলত প্ৰৱেশ কৰি এইদৰে কৰুণ মৃত্যুক সাবটিলে বন্যহস্তীটোৱে। কুমাৰপাৰাৰ পথাৰত নিশাই হাতীটোৰ মৃত্যু হোৱাৰ সন্দেহ কৰিছে বন বিভাগে। হাতী-মানুহৰ সংঘাতৰ কৰুণ পৰিণতি এয়া। অঞ্চলটোত বহুদিনৰ পৰাই হাতীটোৱে অকলশৰে ঘূৰি ফুৰিছিল বুলি জনা গৈছে। হাতীটোৰ কি কাৰণত মৃত্যু হল এই তথ্য মৰনোত্তৰ পৰীক্ষাৰ পাছতহে উদঘাটন হব বুলি বন বিভাগে সদৰী কৰে।