বিশেষ বার্তা, ৫ অক্টোবৰ : বিহালীৰ ৰাংছালী-বুৰৈ, বটিয়ামাৰী বাহবাৰী, বৰকঠীয়াবাৰী, আদিত বনৰীয়া হাতীয়ে উপদ্ৰৱ চলাই মানুহৰ ঘৰ-দুৱাৰ ভাঙি তহিলং কৰি অহাৰ পিছত কালি নিশা বৰগাং ৰেঞ্জৰ ৰঙাগড় বিটৰ অন্তৰ্গত ৭নং লাইনত দুৰ্গেশ্বৰ কলকামাৰ আৰু অনিল কলকামাৰৰ ঘৰ দুটা ভাঙি হাতীয়ে বিস্তৰ ক্ষতিসাধন কৰে। জনজীৱনৰ হানি-বিঘিনি নহ’ল যদিও ঘৰকেইটা ভাঙি তহিলং কৰাৰ লগতে ভিতৰৰ সা-সামগ্ৰী বিনষ্ট কৰে। পিছত ৰঙাগড় বিটৰ বনকৰ্মীসকলে গৈ উপস্থিত হৈ ৰাইজৰ সহযোগত হাতী দুটাক খেদি পঠাবলৈ সক্ষম হয়। ৰাইজে দুখীয়া পৰিয়াল দুটিয়ে উপযুক্ত ক্ষতিপূৰণ লাভ কৰাৰ ক্ষেত্ৰত বন বিভাগক ব্যৱস্থা গ্ৰহণ কৰিবলৈ দাবী জনাইছে।
প্ৰেৰক অমিতাভ বৰুৱা