নিয়মীয়া বাৰ্তা, ২ আগষ্টঃ প্ৰাগজ্যোতিষপুৰ থানাৰ অন্তৰ্গত ঠাকুৰকুছিত বিদ্যুৎস্পৃষ্ট হৈ এগৰাকী মহিলাৰ মৃত্যু হৈছে। মৃত মহিলাগৰাকী ৰম্ভা বড়ো (৫৪)। জানিব পৰা মতে নিজৰ ঘৰতে ই-ৰিক্সাত চাৰ্জ দিয়া চাৰ্জাৰ এডাল ছুইটচ বোৰ্ডত সংযোগ কৰা আছিল। চাৰ্জাৰডালত কোনো কাৰণত বিদ্যুৎ প্ৰৱাহিত হৈ আছিল। সেই চাৰ্জাৰডাল স্পৰ্শ কৰা মাত্ৰকে বিদ্যুৎ পিষ্ট হয় মহিলাগৰাকী। ততাতৈয়াকৈ তেওঁক চিকিৎসায়লৈ নিয়া হয় যদিও মৃত ঘোষণা কৰে চিকিৎসকে।
প্ৰেৰক বিভাস দাস