নিয়মীয়া বাৰ্তা, ৩১ জানুৱাৰী : কাছাৰ আৰক্ষীয়ে শিলচৰ-আইজল বাইপাছত অভিযান চলাই বৃহৎ পৰিমাণৰ মাদক য়াবা টেবলেট জব্দ কৰে। আৰক্ষীৰ অভিযানৰ সময়ত এখন অটোৰিক্সা জব্দ কৰি পুংখানুপুংখ তালাচী চলোৱা হয়, আৰু চুবুৰীয়া ৰাজ্য মিজোৰামৰ পৰা অহা অটোৰিক্সাত ৩০ হাজাৰটা ইয়াবা টেবলেট উদ্ধাৰ কৰা হয়। ইয়াৰ লগতে ১ জন লোকক গ্ৰেপ্তাৰ কৰা হৈছে। এই ঘটনাৰ তদন্ত অব্যাহত আছে। ইপিনে বিশেষ নাকা চেকিংৰ সময়ত এখন লৰি বাহন আটক কৰি বাহনৰ পৰা বৃহৎ পৰিমাণৰ বিদেশী চিগাৰেট জব্দ কৰে আৰক্ষীয়ে। মিজোৰামৰ পৰা অহা ট্ৰাক খন ধলাই থানাৰ অধীনস্থ লাইলাপুৰত আটক কৰি গাড়ীখনত থকা ৬৬০টা বিদেশী নিৰ্মিত চিগাৰেটৰ পেকেট উদ্ধাৰ কৰে। পিছত প্ৰত্যক্ষদৰ্শীৰ উপস্থিতিত জব্দ কৰা হৈছে বিদেশী চিগাৰেটৰ পেকেট। এই ঘটনাত মেবানিয়াৰাপ ৱাৰ, ২৫ বছৰ আৰু ৰিমকি লাৱাই, ২০ বছৰ নামৰ দুগৰাকী সৰবৰাহকাৰীক গ্ৰেপ্তাৰ কৰা হয়। ধৃত উভয়ৰ ঘৰ মিজোৰামৰ মৌৰিংকিলেংত।এই ঘটনা সন্দৰ্ভত তদন্ত অব্যাহত আছে।
প্ৰেৰক গৌতম তালুকদাৰ