নিয়মীয়া বাৰ্তা, ২৫ অক্টোবৰঃ কলগাছিয়া থানাৰ অন্তৰ্গত বেছিমাৰী গাঁৱত আজি পুৱাৰ ভাগত ভয়ংকৰ বাছ দুৰ্ঘটনা সংঘটিত হয় । বাছ দুৰ্ঘটনাত এজন বাইক আৰোহী যুৱক থিতাতে নিহত হয় । গুইলেজাৰ পৰা কলগাছিয়া হৈ গুৱাহাটীলৈ যোৱা AS15 A C 0981 নম্বৰৰ বাছ গাড়ীখনে বেছিমাৰী গাঁৱত অহাৰ লগে লগে বিপৰীত মুখৰ পৰা আহি থকা AS15 H 1853 নম্বৰৰ পালছাৰ বাইকখনক মুখামুখি খুন্দা মাৰে । ফলত বাইক আৰোহী বৰপেটাৰ ওচৰৰ তেতলিৰতল গাঁৱৰ চান মিয়াৰ পুত্ৰ ৰকিবুল ইছলাম (২১) থিতাতে নিহত হয় । যুৱকজনে লাচাংগা গাঁৱৰ জলজীৱন মিছন আঁচনিৰ ২ নম্বৰ ছাইটত কাম কৰে বুলি জানিব পৰা গৈছে ।
প্ৰেৰক মফিদুল ইছলাম