নিয়মীয়া বাৰ্তা, ২১ জুলাইঃ উত্তৰ–পূব সীমান্ত ৰে’লৱেৰ মালিগাঁওস্থিত সদৰ কার্যালয় চৌহদত থকা প্রধান মুখ্য যান্ত্রিক অভিযন্তা কার্যালয়ৰ জ্যেষ্ঠ খণ্ড অভিযন্তা সঞ্জীৱ পেগু সোমবাৰে ক’ভিডত আক্রান্ত হোৱাত আজি এদিনৰ বাবে কার্যালয় বন্ধ ৰখা হয়৷ ইয়াৰ পূর্বেও কার্যালয়টোৰ তিনিগৰাকী কর্মচাৰী ক’ভিডত আক্রান্ত হৈছিল৷
আনহাতে, ২১ জুলাইত কার্যালয় চৌহদটো ছেনিটাইজ কৰি ৩০ শতাংশ কর্মচাৰীৰে কাম আৰম্ভ কৰা হ’ব৷ অৱশ্যে বিষয়াসকল দৈনিক উপস্থিত থাকিব লাগিব বুলি কার্যালয় সূত্রত প্রকাশ৷