নিয়মীয়া বাৰ্তা ২৭ ফেব্ৰুৱাৰীঃ মহানগৰীত পুনৰ ডকাইতৰ ৰূপত বনকৰা যুৱক৷ এইবাৰ মহানগৰীৰ কামাখ্যা গেটৰ পুতুল দাস নামৰ লোকজনৰ ঘৰত লুটপাত কৰিলে বনকৰা যুৱকে৷ ঘৰত কোনো নথকাৰ সুযোগ লৈ ১০ লক্ষাধিক টকাৰ সোণ লৈ উধাও হয় প্রদীপ দাস নামৰ যুৱকজন৷ উপায়ান্তৰ নাপাই জালুকবাৰী আৰক্ষীৰ কাষ চাপে ভুক্তভোগী পৰিয়ালটো৷ পৰিয়ালটোৰ এজাহাৰৰ ভিত্তিত জালুকবাৰী আৰক্ষী থানাত ৩৮০/২০ নম্বৰত এটা গোচৰ ৰুজু কৰে৷ এজাহাৰৰ ভিত্তিতবুধবাৰে জালুকবাৰী আৰক্ষীয়ে দক্ষিণ কামৰূপৰ মির্জাত অভিযান চলাই গ্রেপ্তাৰ কৰে প্রদীপ দাস নামৰ অভিযুক্তজনক৷