নিয়মীয়া বাৰ্তা, ২২ ডিচেম্বৰঃ সমাগত বৰদিন উপলক্ষে বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰ চৌহদটো আটকধুনীয়াকৈ সজাই তোলা হৈছে । বিমানবন্দৰৰ আগমন আৰু প্ৰস্থান পথত এজোপা খ্ৰীষ্টমাছ গছৰ লগত কাষত দুটা হৰিণক সান্তাই উৰোৱাই লৈ যোৱা ক্ৰিব সজাই তোলা হৈছে। যাত্ৰীসকলৰ সুৰক্ষাৰ প্ৰতি লক্ষ্য ৰাখি সম্পূৰ্ণ ক’ভিড বিধিৰ পালন কৰি বিমানকোঠে যাত্ৰীসকলৰ বাবে আমোদজনক অনুষ্ঠানৰ ব্যৱস্থা কৰিছে। বৰদিনৰ দিনা এক জীৱন্ত সান্তাক্ল’জে যাত্ৰীসকলক আমোদ দিয়াৰ লগতে কিছু অনাথ শিশুশিল্পীয়েও বিভিন্ন অনুষ্ঠান পৰিবেশন কৰিব