নিয়মীয়া বাৰ্তা ২৬ ফেব্ৰুৱাৰীঃ কেইগৰাকীমান সমাজকর্মী তথা সুহূদয়ৱান লোকৰ প্রচেষ্টাত মহানগৰীৰ পশ্চিম বৰাগাঁৱত নির্মাণ কৰা অসম বৃদ্ধ নিৱাস যোৱা ২৩ ফেব্রুৱাৰীত আনুষ্ঠানিকভাৱে মুকলি কৰা হয়৷ এই উপলক্ষে বৃদ্ধ নিৱাসত অনুষ্ঠিত এক গম্ভীর্যপূর্ণ অনুষ্ঠানত আৱাসটো আনুষ্ঠানিকভাৱে মুকলি কৰে গুৱাহাটী বিশ্ববিদ্যালয়ৰ প্রাক্তন উপাচার্য নির্মল কুমাৰ চৌধুৰীয়ে৷ অসম বৃদ্ধ নিৱাসৰ সাধাৰণ সম্পাদক ড০ নৃপেন দাসে আঁত ধৰা এই অনুষ্ঠানত বিধায়ক অতুল বৰা, মেঘালয়ৰ বিজ্ঞান আৰু কাৰিকৰী বিশ্ববিদ্যালয়ৰ আচার্য মহবুবুল হক, কটন বিশ্ববিদ্যালয়ৰ উপাচার্য ভৱেশ চন্দ্র গোস্বামী, অসম বৃদ্ধ নিৱাসৰ কার্যকৰী সভাপতি দ্বীপেন শর্মাকে ধৰি অঞ্চলটোৰ শতাধিক লোক উপস্থিত থাকে৷