নিয়মীয়া বাৰ্তা, ১৯ ফেব্ৰুৱাৰীঃ মহানগৰীৰ দ্বাৰকানগৰত বিধ্ৱংসী অগ্নিকাণ্ড। জীৱন্তে অগ্নিদগ্ধ হৈ মৃত্যু বিশ্বজিত বাৰ্মা নামৰ এজন যুৱক। দ্বাৰকানগৰৰ নবোদয় পথত সংঘটিত হৈছে এই ঘটনা। শুই থকা অৱস্থাতেই অগ্নিদগ্ধ হৈ যুবকজনে মৃত্যুক আঁকোৱালি লয়। জানিব পৰা নাই অগ্নিকাণ্ডৰ কাৰণ। উল্লেখযোগ্য যে অগ্নিকাণ্ডত কোনো ধৰণৰ ক্ষয়ক্ষতি হোৱা নাই ঘৰটোৰ। নিজ কোঠাৰ ভিতৰত ধোঁৱা ওলাই থকা প্ৰত্যক্ষ কৰি স্থানীয়লোকে ঘৰৰ দৰ্জা ভাঙি ঘৰটোৰ ভিতৰত প্ৰবেশ কৰি উদ্ধাৰ কৰে যুৱকজনৰ মৃতদেহ। ঘটনাসন্দৰ্ভত আৰক্ষীয়ে অনুসন্ধান অব্যাহত ৰাখিছে।