নিয়মীয়া বাৰ্তা, ২১ জুনঃ মহানগৰ আৰক্ষীৰ ক্রাইম ব্রাঞ্চে কালি অভিযান চলাই আজাৰা থানাৰ অন্তর্গত বঙৰা ৰাইবৰীত ড্রাগ্ছসহ তিনি সৰবৰাহকাৰীক গ্রেপ্তাৰ কৰে৷
ড্রাগ্ছ সৰবৰাহকেইজন হ’ল কামাখ্যা গেটৰ গাৰোবস্তিৰ জিতু দাস (৩৯), ফটাশিল জি এছ কলনীৰ সুজিত গুহ (২৮) আৰু কামাখ্যা গেটৰ দুর্গাসৰোবৰৰ হৰেন বর্মন (২৯)৷
ক্রাইম ব্রাঞ্চে ড্রাগ্ছ সৰবৰাহকাৰীকেইজনৰ পৰা ৩৭টা প্লাষ্টিক কণ্টেইনাৰত অনা ব্রাউন ছুগাৰৰ লগতে নগদ ১৩০০ টকা আৰু এ এছ–০১ ই এইচ–৮৩৪৪ নম্বৰৰ এখন হুণ্ডাই কোম্পানীৰ গাড়ী জব্দ কৰে৷ ক্রাইম ব্রাঞ্চৰ সূত্রই জনোৱা মতে ড্রাগ্ছ সৰবৰাহকাৰীকেইজন কুকুৰমাৰাৰ পৰা গুৱাহাটী অভিমুখে আহি আছিল৷