নিয়মীয়া বাৰ্তা ৩ নৱেম্বৰঃ শৰাইঘাট দলঙৰ সমীপত ব্রহ্মপুত্রৰ বুকুত সন্ধানহীন হৈছে এজন যুৱক৷ এই লৈ সোমবাৰে অঞ্চলটোত তীব্র চাঞ্চল্যই বিৰাজ কৰিছে৷ প্রাপ্ত খবৰ মতে ব্রহ্মপুত্রত গা ধুবলৈ গৈ আজি এজন যুৱক পানীত ডুব যায়৷ স্থানীয় লোকে যুৱকজন পানীত ডুব যোৱা প্রত্যক্ষ কৰি আৰক্ষীক খবৰ দিয়াত আৰক্ষীয়ে এছ ডি আৰ এফৰ সহযোগত উদ্ধাৰ অভিযান আৰম্ভ কৰে যদিও যুৱকজনৰ সন্ধান উলিয়াবলৈ সক্ষম হোৱা নাই৷ অৱশ্যে আৰক্ষীয়ে ব্রহ্মপুত্রৰ পাৰৰ পৰা এযোৰ কাপোৰ উদ্ধাৰ কৰা বুলি জানিব পৰা গৈছে৷