নিয়মীয়া বার্তা, ২৮ জুনঃ মহানগৰীৰ খাৰঘূলিত ভয়ংকৰ ভূমিস্খলনৰ ঘটনা। ভূমিস্খলনত নিহত প্ৰিয়কা বড়ো নামৰ এগৰাকী যুৱতী। পাহাৰৰ পৰা খহি অহা মাটিৰ হেঁচাত প্ৰাণ গ’ল যুৱতীগৰাকীৰ। আজি পুৱা ঘৰুৱা কামত ব্যস্ত আছিল প্ৰিয়ংকা। গুৱাহাটী কলেজৰ স্নাতক ৬ষ্ঠ ষান্মাসিকৰ ছাত্ৰী আছিল প্ৰিয়ংকা। খাৰঘূলিৰ এই স্পৰ্শকাতৰ অঞ্চলটোৰ পৰা ইতিমধ্যে স্থানীয় ৰাইজক নিৰাপদস্থানলৈ যাবলৈ নিৰ্দেশ দিছে প্ৰশাসনে।
কেইবাদিনো ধৰি গুৱাহাটীৰ লগতে ৰাজ্যখনত অহা নেৰানেপেৰা বৰষুণৰ বাবে বহু ঠাইত ভূমিস্খলন হৈছে আৰু কাহিলিপাৰাতো এগৰাকী মহিলাই কিছুদিনৰ আগতে প্ৰাণ হেৰুৱাইছিল ভূমিস্খলনত।
