নিয়মীয়া বাৰ্তা ৩১ জানুৱাৰীঃ ৰাজ্যত অব্যাহত আছে চোৰাং গৰুৰ সৰবৰাহ৷ ৰাজ্যৰ বিভিন্ন স্থানৰ পৰা যোৰাবাটৰ ন–মাইল বজাৰলৈ এটা অসাধু চক্রই চোৰাংকৈ গো–ধনৰ সৰবৰাহ অব্যাহত ৰাখিছে৷ দেওবাৰে যোৰাবাট আৰক্ষীয়ে ন–মাইল বজাৰলৈ চোৰাং গৰু আনি থকাৰ সময়তে এএছ–০১এলচি–৬৯৬২ নম্বৰৰ বাহনখন জব্দ কৰে৷ বাহনখনৰ পৰা ৫টাকৈ চোৰাং গৰু আৰক্ষীয়ে উদ্ধাৰ কৰে৷ যোৰাবাট আৰক্ষীয়ে বাহনখনৰ চালক আৰু হেণ্ডিমেনক আটক কৰি জেৰা অব্যাহত ৰাখিছে৷