লকডাউনৰ মাজতে বশিষ্ঠত ভয়ংকৰ অগ্নিকাণ্ড

নিয়মীয়া বাৰ্তা, ১৭ জুলাইঃ ক’ৰোনা মহামাৰীৰ গণ সংক্রমণ ৰোধৰ বাবে গুৱাহাটী মহানগৰীত চলি থকা কঠোৰ লকডাউনৰ মাজতে আজিবশিষ্ঠত এক বিধ্বংসী অগ্নিকাণ্ড সংঘটিত হয়৷ বিয়লি প্রায় দুই বজাত সংঘটিত হোৱা এই বিধ্বংসী অগ্নিকাণ্ডত এক কয়লা ডিপোৰ সমীপৰ ছটামান টিনপাতৰ চালিঘৰ সম্পূর্ণ ভস্মীভূত হোৱাৰ লগতে বহু সা–সম্পত্তি জ্বলি ছাই হয়৷

প্রত্যক্ষদর্শীৰ ভাষ্য অনুসৰি, কালি বিয়লি প্রায় দুই বজাত বশিষ্ঠৰ সাত নং উপ–পথৰ কয়লা ডিপোৰ সমীপত বৈদ্যুতিক শ্বর্ট চার্কিটৰ ফলত অগ্নিকাণ্ডৰ সূত্রপাত ঘটে৷ নিমিষতে জুইৰ লেলিহান শিখাত কয়লা ডিপোৰ সমীপত থকা ছটা টিনপাতৰ কোঠালি জ্বলি ছাই হয়৷ তদুপৰি, কয়লা ডিপোত ৰখাই থোৱা এএছ–০১এচি–৩৪৫৭ নম্বৰৰ ট্রাকখনৰ বিস্তৰ ক্ষতি হয়৷ পিছত আৰক্ষী আৰু অগ্ণিনির্বাপক বাহিনীৰ লোক ঘটনাস্থলীত উপস্থিত হৈ স্থানীয় লোকৰ সহযোগত জুই নুমুৱাবলৈ সক্ষম হয়৷ উল্লেখ্য যে মহানগৰীৰ বিভিন্ন স্থানত বিদ্যুৎ পৰিবাহী তাঁৰ ওলমি আছে৷ যদিহে বিদ্যুৎ বিতৰণ কোম্পানীয়ে শীঘ্রে এইসমূহ মেৰামতি নকৰে, তেন্তে যিকোনো সময়ত এনে ঘটনাৰ পুনৰাবৃত্তি ঘটিব পাৰে৷