নিয়মীয়া বাৰ্তা, ১৯ অক্টোবৰঃ শাৰদীয় দুর্গোৎসৱৰ সময়তে এই ধৰাৰ পৰা অসূয়া–শান্তি তথা ক’ৰোনা আদিৰ দৰে মহামাৰীসদৃশ পৰিস্থিতিৰ অৱসানৰ কামনাৰে আৰু মানৱ জাতিৰ কল্যাণৰ বাবে দেওবাৰে সন্ধিয়া ‘নিয়মীয়া বার্তা’ৰ বৰাগাঁওস্থিত ছপাশাল চৌহদত অনুষ্ঠিত হয় এক মাংগলিক অনুষ্ঠান৷
নৱৰাত্রিৰ সময়ছোৱাত অনুষ্ঠিত উক্ত অনুষ্ঠানত সমাজৰ শান্তি আৰু মানৱ কল্যাণৰ বাবে দিহানাম পৰিৱেশন কৰা হয়৷ কাহিলিপাৰাৰ এটা সাংস্কৃতিক দলে এই মাংগলিক অনুষ্ঠান পৰিৱেশন কৰে৷ এই উপলক্ষে ‘নিয়মীয়া বার্তা’ৰ ছপাশাল চৌহদত চাকি–বন্তি জ্বলোৱা হয়৷ ছপাশালৰ সমূহ কর্মচাৰীয়ে অংশগ্রহণ কৰা কার্যসূচীত ‘নিয়মীয়া বার্তা’ আৰু ‘নিউজ লাইভ’কে ধৰি প্রাইড ইষ্ট এণ্টাৰটেইনমেণ্ট প্রাইভেট লিমিটেডৰ কর্মচাৰীৰ লগতে অসমবাসীৰ মংগল কামনা কৰা হয়৷