নিয়মীয়া বাৰ্তা ২৯ জুলাইঃ মহানগৰ আৰক্ষীৰ ড্রাগ্ছবিৰোধী অভিযানৰ মাজতে আজি লাখটকীয়াৰ ৩নং গেটত ড্রাগ্ছ বিক্রী কৰি থকা এগৰাকী মহিলাক ৰাইজে আটক কৰি আৰক্ষীক গতাই দিয়ে৷ দীর্ঘদিন ধৰি চাহিদা বেগম নামৰ মহিলাগৰাকীয়ে লাখটকীয়াৰ ৩নং গেটত ড্রাগ্ছ বিক্রী কৰি আহিছিল৷ আজি ড্রাগ্ছ বিক্রী কৰি থকাৰ সময়তে স্থানীয় ৰাইজে চাহিদা বেগমক আটক কৰি পাণবজাৰ আৰক্ষীক গতাই দিয়ে৷ আৰক্ষীয়ে মহিলাগৰাকীৰ বাসগৃহত অভিযান চলাই ১৩টা ড্রাগ্ছভর্তি কণ্টেইনাৰ জব্দ কৰে৷ পাণবজাৰ আৰক্ষীয়ে এন ডি পি এছ এক্টৰ অধীনত এটা গোচৰ ৰুজু কৰি তদন্ত অব্যাহত ৰাখিছে৷