নিয়মীয়া বাৰ্তা, ৮ ছেপ্টেম্বৰঃ পল্টনবজাৰৰ গধূলি বজাৰৰ পৰা আজি আৰক্ষীয়ে দুটা গাড়ীচোৰক গ্রেপ্তাৰ কৰাৰ লগতে এখন স্কুটী উদ্ধাৰ কৰে৷ আৰক্ষী সূত্রই জনোৱা মতে, কালি পুৱাৰ ভাগত গধূলি বজাৰত টহলদাৰী আৰক্ষীয়ে সন্দেহবশতঃ সোধা–পোছা কৰোঁতে যুৱক দুজনে পলায়ন কৰিবলৈ চেষ্টা কৰে৷
পিছত আৰক্ষীয়ে খেদি খেদি চোৰ দুটাক গ্রেপ্তাৰ কৰে৷ ধৃত গাড়ীচোৰ দুটা ক্রমে কুর্বান তামাং (২২) আৰু ৰাহুল দাস (২৩) বুলি জানিব পৰা গৈছে৷ উল্লেখ্য যে অলপতে ধৃত চোৰ দুটাই উজান বজাৰৰ পৰা স্কুটীখন চুৰি কৰিছিল৷ ঘটনা সন্দর্ভত স্কুটীৰ গৰাকীয়ে লতাশিল থানাত এজাহাৰ দাখিল কৰাত আৰক্ষীয়ে ২৬৩/২০ নম্বৰত এটা গোচৰ ৰুজু কৰি তদন্ত অব্যাহত ৰখাৰ মাজতে আজি চোৰ দুটা পল্টনবজাৰ আৰক্ষীৰ জালত পৰে৷