নিয়মীয়া বাৰ্তা, ৩ এপ্ৰিলঃ কামৰূপ মহানগৰ নির্বাচন জিলা প্রশাসনে ব্রেণ্ড এম্বেছাডৰ হিচাপে নিযুক্তি দিয়া সুদক্ষ বেডমিণ্টন খেলুৱৈ মেঘ মূর্ছনা বৰাক শুকুৰবাৰে প্রশাসনৰ তৰফৰ পৰা প্রদান কৰা হয় ই পি আই চি অর্থাৎ ভোটাৰ পৰিচয় পত্র৷
কামৰূপ মহানগৰ জিলা উপায়ুক্তৰ কার্যালয় সভাকক্ষত অনুষ্ঠিত হোৱা এখন সভাত উপায়ুক্ত তথা জিলা নির্বাচন বিষয়া বিশ্বজিৎ পেগুৱে প্রথমবাৰৰ বাবে ভোটাধিকাৰ লাভ কৰা ব্রেণ্ড এম্বেছাডৰ মেঘ মূর্ছনা বৰাক এই ভোটাৰ পৰিচয় পত্র প্রদান কৰে৷
উল্লেখ্য যে যোৱা ২৫ জানুৱাৰী, ৰাষ্ট্রীয় ভোটাৰ দিৱসৰ দিনাৰ পৰাই জিলাখনৰ সর্বসাধাৰণ লোকৰ মাজত ভোটাধিকাৰ সম্পর্কে সজাগতা সৃষ্টিৰ বাবেই মেঘ মূর্ছনা বৰাক ব্রেণ্ড এম্বেছাডৰ হিচাপে নিয়োজিত কৰা হয়৷