নিয়মীয়া বাৰ্তা, ৩০ এপ্ৰিলঃ অশ্ৰুসিক্ত নয়নৰে লাখ লাখ অনুৰাগীয়ে বিদায় দিলে জনপ্ৰিয় অভিনেতা ঋষি কাপুৰক। মুম্বাইৰ চন্দনবাড়ী শ্মশানঘাটত অন্ত্যেষ্টিক্ৰিয়া সম্পন্ন কৰা হয় অবিনেতাগৰাকীৰ। মাত্ৰ ২৫জন লোক উপস্থিত থকা শেষকৃত্য অনুষ্ঠানত পুত্ৰ ৰণবীৰ কাপুৰ, অভিষেক বচ্চন, ছেইফ আলী খান, আলিয়া ভাট, কৰীণা কাপুৰকে ধৰি পৰিয়ালৰ বহুকেইজন লোক উপস্থিত থাকে। আনহাতে স্বামীৰ মৃত্যুত শোকত ভাঙি পৰিছে পত্নী নিতু কাপুৰ।
ঋষি কাপুৰৰ মৃত্যুত শোক প্ৰকাশ কৰিছে কোকিলকণ্ঠী গায়িকা লতা মংগেশকাৰে। ৬মহীয়া ঋষি কাপুৰক কোলাত লৈ থকা এখন ফটো টুইটাৰযোগে প্ৰকাশ কৰে শিল্পীগৰাকীয়ে।