নিয়মীয়া বাৰ্তা, ২ ছেপ্টেম্বৰঃ বলীউডৰ চেলিব্ৰিটিৰ মাজত বহুলভাৱে প্ৰচলিত হৈছে মাদক দ্ৰব্য। সুশান্তৰ মৃত্যুৰ পিছত ওলাই আছে এটাৰ পিছত আন এটা মাদক দ্ৰব্যজনিত ঘটনা। এনে এক পৰিৱেশৰ মাজতে কুইন অৱ বলীউডখ্যাত কংগনা ৰানাৱটে খুলিব খুজিছে আন এক অধ্যায়।
নিজৰ টুইট একাউণ্টযোগে ৰানাৱটে অভিনেতা ৰণবীৰ কাপুৰ, ৰণবীৰ সিং, আয়ান মুখাৰ্জী, বিকী কৌশিকক অনুৰোধ জনাইছে নিজৰ নিজৰ ড্ৰাগ টেষ্ট কৰিবলৈ। কংগনাই টুইটযোগে কয় যে বলীউডৰ চেলিব্ৰিটীকেইগৰাকী মাদক দ্ৰব্য কোকেইনৰ প্ৰতি আসক্ত বুলি চৰ্চা চলিছে, গতিকে তেওঁলোকে ড্ৰাগ টেষ্ট কৰি এনে চৰ্চাৰ উত্তৰ দিব লাগে। পৰীক্ষাৰ ফলাফলত একো নাপালে তেওঁলোক লাখ লাখ লোকৰ অণুপ্ৰেৰণা হৈ পৰিব।
I request Ranveer Singh, Ranbir Kapoor, Ayan Mukerji, Vicky Kaushik to give their blood samples for drug test, there are rumours that they are cocaine addicts, I want them to bust these rumours, these young men can inspire millions if they present clean samples @PMOIndia ? https://t.co/L9A7AeVqFr
— Kangana Ranaut (@KanganaTeam) September 2, 2020
কংগনাই এই ব্যাংগাত্মক ভাষ্যৰে আচলতে কি বুজাব খুজিছে, সেয়া বুজোঁতাই বুজি পাইছে। অভিনেত্ৰীগৰাকীয়ে আন এক টুইটত কয় যে বলীউড জগতত মাদক দ্ৰব্যক লৈ অভিযান চলালে বহু তাৰকা জেলত যাব লাগিব পাৰে।
উল্লেখ্য, সুশান্তৰ মৃত্যুৰ গোচৰৰ তদন্ত চলোৱা চিবিআই লাহে লাহে ধাল খাইছে অন্য এক অধ্যায়ৰ মাজলৈ। সেয়া ড্ৰাগছৰ অধ্যায়। সাংসদ সুব্ৰমণিয়ম স্বামীয়ে সুশান্তৰ মৃত্যুৰে ডুবাইৰ ড্ৰাগ মাফিয়াৰ সম্পৰ্কৰ কথা খোলোচা কৰাৰ পিছৰ পৰাই ইটোৰ পিছত সিটো ড্ৰাগছজনিত ঘটনাৰ খবৰ পোহৰলৈ আহি আছে।