নিয়মীয়া বাৰ্তা, ১৮ এপ্ৰিলঃ ক’ৰোনাৰ সৈতে যুঁজ দিবলৈ অৰ্থসাহায্য বিচাৰি পাক প্ৰধানমন্ত্ৰী ইমৰান খানে সকলোৰে ওচৰত শৰণাপন্ন হোৱাৰ পাছতে পাকিস্তানলৈ সহায়ৰ হাত আগবঢ়াইছে আমেৰিকাই ।
ক’ৰোনাৰ বিৰুদ্ধে পাকিস্তানে যুঁজ দিবলৈ আমেৰিকাই ৮০ লাখ ডলাৰ আৰ্থিক অনুদান আগবঢ়োৱাৰ কথা ঘোষণা কৰিছে ।
উল্লেখ্য যে পাকিস্তানত ৭০০০ ৰো অধিক ক’ৰোনা সংক্ৰমণৰ ঘটনা পোহৰলৈ আহিছে । যাৰে ভিতৰত ১৩০ জন লোকৰ মৃত্যু হোৱা বুলি জানিব পৰা গৈছে ।
ইফালে আমেৰিকাতো ক’ৰোনাৰ তাণ্ডৱ অব্যাহত আছে । আমেৰিকাত ৬.৮ লাখতকৈ অধিক লোকৰ এই ভাইৰাছৰ সংক্ৰমণ আৰু ৩৪,৭৩০ জন লোকৰ মৃত্যু ঘটিছে ।