নিয়মীয়া বাৰ্তা, ২৩ ডিচেম্বৰ: ইছলামবাদত আৰক্ষীৰ চেকিঙৰ সময়ত গাড়ী আৰোহীয়ে নিজকে উৰুৱাই দিলে, এজন আৰক্ষী নিহত, বহু আহত
পাকিস্তানৰ ইছলামবাদৰ এক জনবহুল এলেকাত সংঘটিত হৈছে এক গাড়ী বিস্ফোৰণ। ইছলামবাদৰ আই-১০ ছেক্টৰত সংঘটিত হয় এই বিস্ফোৰণ। তথ্য অনুসৰি আৰক্ষীয়ে সন্দেহজনক গাড়ীখন ৰখোৱাৰ লগে লগে আক্ৰমণকাৰীয়ে নিজকে উৰুৱাই দিয়ে।
তথ্য অনুসৰি এই আত্মঘাতী আক্ৰমণত এজন আৰক্ষী জোৱান শ্বহীদ হোৱাৰ লগতে চাৰিজন আৰক্ষী বিষয়া আৰু দুজন সাধাৰণ নাগৰিককে ধৰি কমেও ছয়জন লোক আহত হৈছে। ইছলামবাদ আৰক্ষীয়েও টুইটযোগে এই বিষয়ে অৱগত কৰিছে।