বিশেষ বাৰ্তা, ৪ নৱেম্বৰ : বলীউডৰ অভিনেত্রী প্রীতি জিণ্টাই উদ্যোগ ক্ষেত্রলৈ আগবঢ়োৱা অসামান্য বৰঙণিৰ বাবে ব্রিটেইনৰ বার্মিংহাম চিটী বিশ্ববিদ্যালয় (বিচিইউ)ৰ পৰা লাভ কৰিব সন্মানীয় ডক্টৰেট ডিগ্রী৷ আগন্তুক বর্ষৰ আৰম্ভণিতে অভিনেত্রীগৰাকীক এই সন্মান আগবঢ়োৱা হ’ব৷ ৪৮ বছৰীয়া অভিনেত্রীগৰাকীয়ে আজি ৱেষ্ট মিডলেণ্ডছত অনুষ্ঠিত হ’বলগীয়া দেৱালী উৎসৱত অংশগ্রহণ কৰিব৷ ৱেষ্ট মিডলেণ্ডছৰ মেয়ৰ এণ্ডি ষ্ট্রীটে অভিনেত্রীগৰাকীক আদৰণি জনাবলৈ উদগ্রীৱ হৈ থকা বুলি জনাইছে৷ বার্মিংহামত চলা ভাৰতীয় ছবি মহোৎসৱত শেহতীয়াকৈ অংশগ্রহণ কৰিছে প্রীতি জিণ্টাই৷