বিশেষ বাৰ্তা, ৪ অক্টোবৰ : বিশ্বকাপ ২০২৩ৰ পৰা বাহিৰ হ’ল হাৰ্দিক পাণ্ডিয়া। অলৰাউণ্ডাৰ হাৰ্দিক পাণ্ডিয়াৰ ঠাইত প্ৰসিদ্ধ কৃষ্ণই দলত স্থান লাভ কৰিছে। দক্ষিণ আফ্ৰিকাৰ বিৰুদ্ধে খেলখনৰ বাবে প্ৰসিদ্ধ কৃষ্ণ উপলব্ধ হ’ব। উল্লেখ্য যে পুনেৰ এমচিএ ষ্টেডিয়ামত বাংলাদেশৰ বিৰুদ্ধে অনুষ্ঠিত ভাৰতৰ খেলখনত গোৰোহাত আঘাত পাইছিল পাণ্ডিয়াই। আঘাতৰ পৰা সম্পূৰ্ণ সুস্থ হ’ব নোৱাৰাৰ বাবে ২০২৩ চনৰ বিশ্বকাপৰ বাকীকেইখনত খেলত ভাগ ল’ব নোৱাৰিব হাৰ্দিকে। ইয়াৰ মাজতে পাণ্ডিয়াৰ ঠাইত প্ৰসিদ্ধ কৃষ্ণই দলত স্থান লাভ কৰিছে। প্ৰতিযোগিতাখনৰ ইভেণ্ট টেকনিকেল কমিটীয়ে পেচাৰগৰাকীক সলনি হিচাপে অনুমোদন জনায়। ৫ নৱেম্বৰত কলকাতাৰ আইকনিক ইডেন গাৰ্ডেনত অনুষ্ঠিত হ’বলগীয়া টেম্বা বাভুমাৰ দক্ষিণ আফ্ৰিকাৰ বিৰুদ্ধে খেলখনৰ বাবে কৃষ্ণ উপলব্ধ হ’ব।