🔹 ছ’চিয়েল মিডিয়াত ভিডিঅ’ প’ষ্ট কৰি ধন অর্জন
নিউজ ডেস্ক, ৩ এপ্রিল : জনপ্রিয় ছ’চিয়েল মিডিয়া ইনফ্লুয়েঞ্চাৰ৷ বিভিন্ন ধৰণৰ ভিডিঅ’ বনাই ফেচবুক, ইনষ্টাগ্রামত মুকলি কৰি ধন উপার্জন কৰে৷ নিজৰ পৰিচয় দিয়ে পোহনীয়া কুকুৰবোৰৰ ‘মাতৃ’ হিচাপে৷ কিন্তু এই মাতৃৰ ভয়ংকৰ ৰূপ পোহৰলৈ আহিছে৷ নিজেই পোহপাল দিয়া কুকুৰৰ সৈতে বিভিন্ন ধৰণৰ যৌন ক্রীড়াত লিপ্ত হয় মহিলাগৰাকী৷ তাৰ ভিডিঅ’ প’ষ্ট কৰে ছ’চিয়েল মিডিয়াত৷ এই গুৰুতৰ অভিযোগ উত্থাপন হোৱাৰ পিছতে আমেৰিকাৰ ফ্ল’ৰিডাৰ মহিলাগৰাকীক গ্রেপ্তাৰ কৰা হয়৷ অৱশ্যে পৰৱর্তী সময়ত জামিন লাভ কৰে মহিলাগৰাকীয়ে৷ শেহতীয়াকৈ এই ঘটনাক লৈ ছ’চিয়েল মিডিয়াত সৃষ্টি হৈছে আলোড়ন৷ ফ্ল’ৰিডাৰ বাসিন্দা ২৭ বছৰীয়া ল’গান গুমিনস্কীৰ জনপ্রিয়তা আছে৷ কণ্টেণ্ট ক্রিয়েটৰ হিচাপে সকলোৱে চিনি পায় এই মহিলাক৷ মহিলাগৰাকীয়ে নিজকে পোহনীয়া কুকুৰবোৰৰ মাতৃ হিচাপে পৰিচয় দি সন্তুষ্টি লাভ কৰে৷ এটা চি হুৱাহুৱা প্রজাতিৰ কুকুৰ আছে মহিলাগৰাকীৰ৷ সেই কুকুৰটোৰ সৈতে ল’গানে বিভিন্ন সময়ত যৌনতাত লিপ্ত হৈছে৷ সেই দৃশ্যৰ ভিডিঅ’ ছ’চিয়েল মিডিয়াত প’ষ্ট কৰিছিল মহিলাগৰাকীয়ে৷ প্রথমতে কুকুৰটোৰ সৈতে ল’গানৰ এইবোৰ ছবিৰ মালিক আৰু পোহনীয়া পশুৰ অন্তৰংগ মুহূর্তৰ ছবি বুলি ধাৰণা কৰিছিল বহুতে৷ কিন্তু জানুৱাৰীৰ পৰা এই ছবিবোৰত অন্য কামৰ আভাস পাবলৈ ধৰিলে ছ’চিয়েল মিডিয়া ব্যৱহাৰকাৰীসকলে৷ ইয়াৰ পিছতে অভিযোগ দাখিল হয় ল’গানৰ বিৰুদ্ধে৷ মার্চৰ ২১ তাৰিখে ল’গানক ফ্ল’ৰিডাৰ চোৰাংচোৱা বিভাগে গ্রেপ্তাৰ কৰি জেৰা চলায়৷ ইয়াৰ পিছতে মহিলাগৰাকীক গ্রেপ্তাৰ কৰা হয় যদিও পিছত জামিনত মুক্তি দিয়া হয়৷ স্মর্তব্য যে এই সকলোবোৰ ভিডিঅ’ তথা কণ্টেণ্ট প’ষ্ট কৰাৰ বিনিময়ত ল’গানে বিভিন্নজনৰ পৰা ধন লাভ কৰিবলৈ সক্ষম হৈছিল৷ মহিলাগৰাকীৰ এনে আচৰণক লৈ এতিয়া সৰৱ হৈছে পশুপ্রেমীসকল৷