সংসদৰ অধিৱেশনত নিজৰেই নগ্ন ছবি প্রদর্শন মহিলা সাংসদৰ

সংসদৰ অধিৱেশনত নিজৰেই নগ্ন ছবি প্রদর্শন মহিলা সাংসদৰ

নিউজ ডেস্ক, ৪ জুন : সংসদৰ অধিৱেশন চলা সময়ত উপস্থিত সাংসদসকলক হতবাক কৰিলে এগৰাকী মহিলা সাংসদে৷ সকলোৰে সন্মুখত নিজৰ নগ্ন ছবি দাঙি ধৰে এই মহিলা সাংসদগৰাকীয়ে৷

লৰা মেকলিউব নামৰ মহিলা সাংসদগৰাকীৰ এনে কার্যক লৈ হতবাক হৈ পৰে অন্য সাংসদসকল৷ লক্ষণীয়ভাৱে এই ছবিৰ নেপথ্যত থকা মেকলিউবৰ বার্তাই অকল নিউজিলেণ্ডতে নহয়, সমগ্র বিশ্বৰ নজৰ কাঢ়িছে৷

বিশ্বজুৰি কৃত্রিম মেধা বা এআয়ে যিধৰণে মানুহৰ বাবে আশীর্বাদ কঢ়িয়াই আনিছে, সেইদৰে ভয়াৱহতাৰ কবলত পৰিবলগীয়া হৈছে সাধাৰণ মানুহ৷ এই বিষয়টোত বক্তব্য ৰাখিছিল এচিটি পার্টীৰ সাংসদ মেকলিউবে৷ তেতিয়াই নিজৰ এখন নগ্ণ ছবিৰ প’ষ্টাৰ দাঙি ধৰে সাংসদগৰাকীয়ে৷ এই ছবিখন দাঙি ধৰি মেকলিউবে কয়– ‘এইখন মোৰ নগ্ণ ছবি৷  কিন্তু ছবিখন প্রকৃত নহয়৷ এই ছবিখন প্রস্তুত কৰিবলৈ সময় লাগিছে মাত্র ৫ মিনিট৷’

ইয়াৰ পাছতে সংসদত ক্ষমা বিচাৰি মেকলিউবে কয় যে এআই বা কৃত্রিম মেধাই মানুহক কোন পর্যায়লৈ লৈ গৈছে সেই কথা চিন্তা কৰা প্রয়োজন৷