নিয়মীয়া বাৰ্তা ১৬ ছেপ্টেম্বৰঃ ৰাছিয়াই অধ্যক্ষতা কৰা শেহতীয়া ছাংহাই সহযোগিতা সংস্থা (এছচি’)ৰ সদস্য দেশসমূহৰ ৰাষ্ট্রীয় নিৰাপত্তা উপদেষ্টাসকলৰ বৈঠক ভাৰতে আধাতে বর্জন কৰিছে৷ আজি এই ঘটনা সংঘটিত হোৱাৰ মূলতেই হৈছে পাকিস্তান৷ পাকিস্তানে শেহতীয়াকৈ ভাৰতীয় ভূ–খণ্ড সামৰি এক কল্পনাপ্রসূত মানচিত্র এছ চি অ’ত বাৰে বাৰে দাখিল কৰা বিষয়টোত তীব্র ক্ষোভ উজাৰে ভাৰতে৷ আজি বিদেশ মন্ত্রালয়ৰ মুখপাত্র অনুৰাগ শ্রীবাস্তৱে এই কথা সদৰী কৰি কয় যে ভাৰতৰ ৰাষ্ট্রীয় নিৰাপত্তা উপদেষ্টা অজিত ডোভালে এছ চি অ’ৰ বৈঠকত পাকিস্তানৰ এনে কার্যৰ তীব্র বিৰোধ কৰে৷