নিয়মীয়া বাৰ্তা ডিজিটেল, ১৭ ফেব্ৰুৱাৰীঃ তৃতীয় দিনৰ ৰাজকোট টেষ্টৰ খেলৰ সামৰণি পৰিছে। তৃতীয় দিনৰ খেলৰ শেষলৈকে টীম ইণ্ডিয়াৰ স্ক’ৰ ২ উইকেটত ১৯৬ ৰান। এই ৰানেৰে ভাৰতীয় দলটোৰ অগ্ৰগতি ৩২২ ৰানলৈ বৃদ্ধি পাইছে। দিনটোৰ খেলৰ শেষত অপৰাজিত হৈ থাকে শুভমন গিল আৰু কুলদীপ যাদৱ। ৬৫ ৰান সংগ্ৰহ কৰি ক্ৰীজত আছে শুভমন গিল। আনহাতে কুলদীপ যাদৱে ৩ ৰান সংগ্ৰহ কৰি খেলি আছে। আনহাতে, ইয়াৰ পূৰ্বে অ’পেনাৰ যশস্বী জয়ছোৱালে শতক অৰ্জন কৰে। অৱশ্যে দিনটোৰ খেল শেষ হোৱাৰ আগতেই যশস্বী জয়ছোৱাল আঘাতৰ বাবে ৰিটায়াৰ্ট হাৰ্ট হয়। এতিয়ালৈকে জয়ছোৱালে ৯টা চাৰি আৰু ৫টা ছয়েৰে ১০৪ ৰান সংগ্ৰহ কৰি আছে। ইয়াৰ পূৰ্বে ভাৰতীয় অধিনায়ক ৰোহিত শৰ্মাই ১৯ ৰান সংগ্ৰহ কৰি জো ৰুটৰ বলত আউট হৈছিল। আনহাতে ৰজত পাটিদাৰ পুনৰ ব্যৰ্থ হয়। টম হাৰ্টলীৰ বলত ৰজত পাটিদাৰে কোনো ৰান নকৰাকৈ আউট হয়।