🔹 হামাছৰ সুৰংগ ধ্বংস কৰাৰ দাবী সেনাৰ
নিয়মীয়া ডিজিটেল ডেস্ক, ৩০ ডিচেম্বৰ : গাজা ভূখণ্ডত ইজৰাইলৰ বোমাবর্ষণ অব্যাহত আছে৷ আজি খান ইউনিছত ভয়াৱহ আক্রমণ চলায় ইজৰাইলে৷ টেংকেৰে স্থলসেনাই আক্রমণ তীব্রতৰ কৰাৰ উপৰি বায়ুসেনাই আকাশমার্গেৰে বোমাবর্ষণ কৰাৰ ফলত ২৪ ঘণ্টাৰ ভিতৰত দুই শতাধিক লোক নিহত হৈছে গাজাত৷ ইজৰাইলী সেনাই দাবী কৰা অনুসৰি এই আক্রমণৰ সময়ত হামাছৰ কেইবাটাও সুৰংগ ধ্বংস হৈছে৷ ইফালে, পেলেষ্টাইনী সাংবাদিক আৰু হাস্পতালৰ সূত্রই সদৰী কৰা অনুসৰি, নুছিৰত শৰণার্থী শিবিৰতো বোমাবর্ষণ কৰিছে ইজৰাইলী বাহিনীয়ে৷ এই বোমাবর্ষণৰ ফলত বহু নিৰীহ লোক নিহত হৈছে৷ মধ্য গাজাত থকা এই শৰণার্থী শিবিৰটোত আক্রমণৰ পিছতে হাহাকাৰ পৰিস্থিতিৰ সৃষ্টি হৈছে৷