🔹 গাজাত পুনৰ এদিনৰ বাবে যুদ্ধবিৰতি ইজৰাইল–হামাছৰ
বিশেষ বাৰ্তা, ৩০ নৱেম্বৰ : গাজাত ইজৰাইল আৰু হামাছৰ যুদ্ধবিৰতি অব্যাহত আছে৷ আজি পুনৰ এদিনৰ বাবে যুদ্ধবিৰতি বৃদ্ধিৰ সিদ্ধান্ত লৈছে উভয়পক্ষই৷ হামাছৰ হাতত আবদ্ধ হৈ থকা পণবন্দীসকলক মুক্তিৰ বাবে ইজৰাইলে এই যুদ্ধবিৰতি বৃদ্ধিৰ প্রস্তাৱ আগবঢ়ায়৷ এই প্রস্তাৱত মধ্যস্থতাকাৰীৰ জৰিয়তে সন্মতি প্রদান কৰে হামাছে৷ উল্লেখনীয় যে গাজাত যুদ্ধবিৰতি অব্যাহত থকাৰ সময়তে জেৰুজালেমত এক গুলীচালনাৰ ঘটনাত তিনিগৰাকী লোক নিহত হৈছে৷ এই ঘটনা সন্দর্ভত সবিশেষ তথ্য সদৰী কৰা নাই ইজৰাইলে৷ ইয়াৰ পূর্বে ইজৰাইলী সেনাৰ গুলীত দুটি শিশু নিহত হয় ৱেষ্টবেংকৰ জেনিনত৷