বিশেষ বাৰ্তা, ১২ নৱেম্বৰ : কিংবদন্তি পপ তাৰকা মাইকেল জেকছনে ১৯৮০ চনত পৰিধান কৰা আইকনিক লেডাৰ জেকেট ৩ লাখ মার্কিন ডলাৰত নিলামৰ বাবে যো–জা চলিছে৷ ক’লা–বগা জেকেটটো পপ তাৰকা মাইকেল জেকছনে পেপ্ছি বিজ্ঞাপনৰ কাৰণে প্রথমে পৰিধান কৰিছিল৷ এই জেকেটটো লণ্ডনত নিলামৰ বাবে সাজু কৰা হৈছে৷ পেপ্ছিৰ এই বিজ্ঞাপনটোত জেকেট পৰিধান কৰা মাইকেল জেকছনৰ চুলিত জুই লগাৰ ফলত গুৰুতৰভাৱে আহত হৈছিল৷ লণ্ডনৰ নিলাম গৃহৰ কিংবদন্তি জেকছনৰ উপৰি কেইবাগৰাকীও প্রখ্যাত শিল্পীৰ বাদ্যযন্ত্র নিলামৰ প্রস্তুতি চলোৱা হৈছে৷ জর্জ মাইকেল জেকেট আৰু এমি ৱাইনহাউছ হেয়াৰ পিচৰ লগতে বিভিন্ন সংগীত সম্পর্কীয় সামগ্রী নিলাম কৰা হ’ব৷ এই নিলামত কিংবদন্তি শিল্পী মাইকেল জেকছনে পৰিধান কৰা লেডাৰৰ জেকেটটো মুখ্য আকর্ষণ হৈ পৰিব বুলি নিলাম কর্তৃপক্ষই প্রকাশ কৰিছে৷