বিশেষ বাৰ্তা, ১৭ ডিচেম্বৰ : নাগপুৰত কাৰখানাত এক ভয়ংকৰ বিস্ফোৰণ সংঘটিত হয়। দেওবাৰে পুৱা সংঘটিত হোৱা এই দুৰ্ঘটনাত কমেও ৯জন লোকে প্ৰাণ হেৰুৱাইছে। এই ঘটনাত আহত হয় ৩জন। আৰক্ষীয়ে ততাতৈয়াকৈ সেই স্থানত উপস্থিত হৈ আহতসকলক সংকটজনক অৱস্থাত উদ্ধাৰ কৰে । পুৱা ৯:৩০ মান বজাত হঠাৎ বিস্ফোৰণে কঁপাই তোলে কাৰখানাটো। বিস্ফোৰণৰ কাৰণ জানিব পৰা হোৱা নাই। অৱশ্যে নাগপুৰৰ আৰক্ষী অধীক্ষক হৰ্ষ পোদ্দাৰে সংবাদ মাধ্যমৰ আগত সৌৰ বিস্ফোৰক কাৰখানাটোৰ কাষ্ট বুষ্টাৰ প্লাণ্টত পেক কৰি আছিল বুলি জানিবলৈ দিয়ে। মুঠ ১২জন শ্ৰমিকে কাৰখানাটোত কাম কৰি আছিল। ইয়াৰে ৯জনৰ থিতাতে মৃত্যু হয়। আহতসকলক সংকটজনক অৱস্থাত চিকিৎসালয়ত ভৰ্তি কৰোৱা হৈছে।