সুৰশ্ৰী শৰ্মাৰ প্ৰতিবেদন, ২২ জানুৱাৰীঃ ২০ জানুৱাৰীত আমেৰিকাৰ ৪৭ সংখ্যক ৰাষ্ট্ৰপতি হিচাপে শপত গ্ৰহণ কৰিছিল ড’নাল্ড ট্ৰাম্পে। শপত লোৱাৰ লগে লগে তেওঁ বহু ডাঙৰ ডাঙৰ সিদ্ধান্ত লৈছিল, যিয়ে বিশ্ববাসীক স্তম্ভিত কৰি তুলিছিল। ৰাষ্ট্ৰপতি হোৱাৰ লগে লগে তেওঁ WHO (বিশ্ব স্বাস্থ্য সংস্থা) এৰি যোৱাৰ সিদ্ধান্ত লয়, কানাডাৰ ওপৰত শুল্ক আৰোপ কৰাৰ সিদ্ধান্ত লয় আৰু পেৰিছ জলবায়ু চুক্তিৰ পৰা আঁতৰি যোৱাৰ সিদ্ধান্ত লয়। ডোনাল্ড ট্ৰাম্পৰ আন এটা সিদ্ধান্তই ভাৰতীয়সকলৰ মাজত যথেষ্ট চিন্তা বৃদ্ধি কৰিছে। এই সিদ্ধান্ত হৈছে অবৈধ প্ৰৱাসীসকলৰ সৈতে সম্পৰ্কিত। আমেৰিকাৰ ৰাষ্ট্ৰপতি ডোনাল্ড ট্ৰাম্পে এটা কাৰ্যকৰী আদেশত স্বাক্ষৰ কৰিছে, যাৰ ফলত আমেৰিকাত থকা অবৈধ প্ৰৱাসীসকলৰ ওপৰত বিপদ নিশ্চিত হৈ উঠিছে। এই আদেশৰ অধীনত লাখ লাখ অবৈধ বা অস্থায়ী নথিপত্ৰ থকা বিদেশী নাগৰিকৰ ওপৰত ব্যৱস্থা গ্ৰহণ কৰা হৈছে, য’ত ভাৰতীয়সকলো অন্তৰ্ভুক্ত। ট্ৰাম্প প্ৰশাসনে 287(G) চুক্তিসমূহৰ অধীনত স্থানীয় আইন প্ৰয়োগকাৰী সংস্থাসমূহক হোমল্যান্ড চিকিউৰিটি অধীনত বিদেশীসকলৰ তদন্ত, গ্ৰেপ্তাৰ আৰু আটক কৰিবলৈ অনুমতি দিছে। এই পদক্ষেপে অবৈধ প্ৰৱাসীসকলক চিনাক্ত কৰা আৰু কাৰ্য্যৱাহী কৰাৰ ক্ষেত্ৰত স্থানীয় সংস্থাসমূহৰ ভূমিকাক গুৰুত্বপূর্ণ কৰি তোলে। ৰাষ্ট্ৰীয় সুৰক্ষা আৰু আৰ্থিক প্ৰভাৱ ট্ৰাম্পে অবৈধ প্ৰৱাসীক ৰাষ্ট্ৰীয় সুৰক্ষাৰ বাবে ভাবুকি হিচাপে বিবেচনা কৰি ইয়াক এক ৰাষ্ট্ৰীয় আপাতকালীন অৱস্থা হিচাপে ঘোষণা কৰিছে। তেওঁৰ মতে, অবৈধ প্ৰৱাসৰ ভাবুকিৰ পৰা আমেৰিকাবাসীক ৰক্ষা কৰাটো তেওঁৰ প্ৰাথমিক দায়িত্ব। তেওঁ আমেৰিকান সীমান্তত দেৱাল নিৰ্মাণ, গ্ৰেপ্তাৰ কেন্দ্ৰ স্থাপন আৰু সীমান্তত সেনা প্ৰেৰণৰ আদেশো দিছে। ট্ৰাম্প প্ৰশাসনৰ নতুন নীতিসমূহ ভাৰতীয় অভিবাসী সম্প্ৰদায়ৰ বাবে বহুতো চেলেঞ্জ আগবঢ়াইছে। এই নীতিসমূহ অনুসৰণ কৰা আৰু ভৱিষ্যত সম্ভাৱ্য জুখিবৰ বাবে প্রস্তুত থাকিবলৈ ভাৰতীয় সম্প্ৰদায়ৰ বাবে প্ৰয়োজনীয় হৈ পৰিছে। আমেৰিকাত থকা ভাৰতীয়সকলে নিজৰ নথিপত্ৰ আৰু অৱস্থা সদায় আপডেট কৰি ৰাখিব লাগিব আৰু আইনী পৰামৰ্শ ল’ব লাগিব।