নিয়মীয়া বাৰ্তা ডিজিটেল, ৬ আগষ্টঃ বাংলাদেশৰ হিংসাত্মক পৰিস্থিতিৰ পিছত দেশ এৰি ভাৰতত থকা প্ৰাক্তন প্ৰধানমন্ত্ৰী শ্বেখ হাছিনা আগন্তুক ৪৮ ঘন্টাত ইউৰোপলৈ যাব পাৰিব। অৱশ্যে ইউৰোপৰ কোনখন দেশলৈ যাব সেই সন্দৰ্ভত কোনো সঠিক তথ্য প্ৰকাশ কৰা হোৱা নাই। ইয়াৰ পূৰ্বে তেওঁ লণ্ডনলৈ যোৱাৰ কথা আছিল যদিও ব্ৰিটেইনে তেওঁক তেওঁলোকৰ দেশলৈ অহাৰ অনুমতি নিদিলে। একে সময়তে আমেৰিকায়ো তেওঁৰ ভিছা বাতিল কৰিলে। বৰ্তমান তেওঁ উত্তৰ প্ৰদেশৰ গাজিয়াবাদত অৱস্থিত হিন্দন এয়াৰবেছত থকা এটা নিৰাপদ ঘৰত আছে তেওঁ। সূত্ৰ অনুসৰি শ্বেখ হাছিনা ইউৰোপৰ যিকোনো দেশলৈ যাব পাৰে। ইয়াৰ উপৰি আন দেশৰ সৈতেও আলোচনা চলি আছে। ৰাছিয়াতো আশ্ৰয় ল’ব পাৰে বুলিও আলোচনা চলি আছে। ইয়াৰ লগতে ভাৰতে শ্বেখ হাছিনাক সম্পূৰ্ণ নিৰাপত্তা প্ৰদান কৰাৰ লগতে তেওঁৰ যাত্ৰাৰ ব্যৱস্থাও কৰিব বুলিও কোৱা হৈছে। ইয়াৰ আঁৰত দিয়া কাৰণটো আছিল যে শ্বেখ হাছিনাক ভাৰতলৈ লৈ অহা বিমানখন বাংলাদেশ বায়ুসেনাৰ আছিল আৰু ই উভতি গৈছে। এনে পৰিস্থিতিত ভাৰতে যিখন দেশলৈ যাব সেইখন দেশৰ ব্যৱস্থা কৰিব। শ্বেখ হাছিনাৰ নিৰাপদে প্ৰস্থানৰ সকলো ব্যৱস্থা কৰা হৈছে। সোমবাৰে সন্ধিয়া ভাৰতত উপস্থিত হোৱা হাচিনাই ফিনলেণ্ড, ৰাছিয়াৰ দৰে একাংশ দেশৰ সৈতে কথা পাতিছে। ভাৰতে পৰৱৰ্তী বিদেশ ভ্ৰমণত তেওঁৰ নিৰাপদ ভ্ৰমণৰ ব্যৱস্থাও কৰিব। ইয়াৰ আগতে তেওঁ লণ্ডনলৈ যোৱাৰ সিদ্ধান্ত লৈছিল। দ্য হিন্দুত প্ৰকাশিত এক প্ৰতিবেদনত বিষয়টোৰ সৈতে পৰিচিত লোকসকলৰ উদ্ধৃতি দি কোৱা হৈছে যে বাংলাদেশৰ প্ৰাক্তন প্ৰধানমন্ত্ৰীয়ে ভাৰতৰ পৰা লণ্ডনলৈ গৈ ভগ্নী শ্বেখ ৰেহানাৰ সৈতে অস্থায়ী আশ্ৰয় লোৱাৰ পৰিকল্পনা কৰিছিল, কিন্তু এতিয়া এই বিকল্পৰ কথা বিবেচনা কৰা হোৱা নাই। ব্ৰিটেইন চৰকাৰে ইংগিত দিছে যে তেওঁলোকৰ দেশত বৃহৎ পৰিসৰৰ হিংসাত্মক প্ৰতিবাদৰ কোনো সম্ভাৱ্য তদন্তৰ বিৰুদ্ধে তেওঁলোকে আইনী সুৰক্ষা লাভ নকৰিবও পাৰে। ৰেহানাৰ কন্যা টিউলিপ ছিদ্দিক ব্ৰিটিছ সংসদৰ সদস্য হোৱাৰ বাবেই হাছিনাই লণ্ডনলৈ যোৱাৰ সিদ্ধান্ত লয়। টিউলিপ কোষাগাৰৰ অৰ্থনৈতিক সচিব আৰু হেম্পষ্টেড আৰু হাইগেটৰ লেবাৰ সাংসদ।