বিশেষ বাৰ্তা, ৯ জানুৱাৰী : ২২ জানুৱাৰীত অযোধ্যাত অনুষ্ঠিত হ’বলগীয়া ৰাম মন্দিৰৰ অভিষেক অনুষ্ঠানত অংশগ্ৰহণৰ বাবে সাজু হৈছে ৰিলায়েন্স ইণ্ডাষ্ট্ৰীজৰ মুকেশ আম্বানী, আদিত্য বিৰলা গ্ৰুপৰ কুমাৰ মংগলম বিৰলা, টাটা ছনছৰ এন চন্দ্ৰশেখৰণ আৰু আদানী গ্ৰুপৰ গৌতম আদানীকে ধৰি ভাৰতৰ আন শীৰ্ষ ব্যৱসায়ীসকল। ১০ হাজাৰৰো অধিক অতিথিৰ তালিকাৰে এই অনুষ্ঠানত কেৱল ব্যৱসায়ীকে নহয়, মনোৰঞ্জন, ক্ৰীড়া, ৰাজনীতি, জনজীৱন আৰু কলা খণ্ডৰ উল্লেখযোগ্য ব্যক্তিত্বৰ উপস্থিতিও দেখা যাব। ইতিমধ্যে অযোধ্যাৰ হোটেলসমূহ সম্পূৰ্ণৰূপে বুকিং কৰা হৈছে আৰু ভি আই পি আৰু ভি ভি আই পিৰ অংশগ্ৰহণৰ বাবে কঠোৰ প্ৰট’কল স্থাপন কৰা হৈছে। বহু ব্যৱসায়ীয়ে অযোধ্যালৈ যাবলৈ ব্যক্তিগত বিমান ব্যৱহাৰ কৰাৰ মনস্থ কৰিছে আৰু থকাৰ বাবে চহৰখনৰ নামী-দামী হোটেলসমূহৰ লগতে ৰেডিছনকো বাছি লোৱাৰ সম্ভাৱনা আছে।
প্ৰেৰক দীক্ষিতা শৰ্মা