নিউজ ডেস্ক, ২১ ফেব্রুৱাৰী : ডেংগুৱে ভয়াৱহভাৱে আক্রান্ত কৰিছে ফিলিপাইনছত৷ মাৰণ মহৰ ‘দুৰন্ত বেটিং’ৰ মোকাবিলা কৰিবলৈ এইবাৰ দেশখনৰ জনবহুল চহৰবোৰত প্রশাসনে অভিনৱ ব্যৱস্থা গ্রহণ কৰিছে৷ নাগৰিকসকলে অধিক হাৰত মহ মাৰিব পাৰিলে পুৰস্কাৰ লাভ কৰিব বুলি ঘোষণা কৰা হৈছে চৰকাৰৰ তৰফৰ পৰা৷ ডেংগুক প্রতিৰোধ কৰিবলৈ চৰকাৰে শেহতীয়াভাৱে এই পদক্ষেপ গ্রহণ কৰিছে৷ স্মর্তব্য যে প্রতিবছৰে ফিলিপাইনছত ডেংগুৰ প্রকোপত বহু লোকে প্রাণ হেৰুৱাবলগীয়া হয়৷ মহৰ দ্বাৰা সংক্রমিত এই ৰোগ প্রতিৰোধৰ বাবে এতিয়া মহ নিধন কৰাটোৱে চৰকাৰৰ প্রধান দায়িত্ব হৈ পৰিছে৷ সংবাদ সংস্থাৰ সূত্রই সদৰী কৰা অনুসৰি কোনো লোকে যদি পাঁচটা মহ জীৱিত বা মৃত অৱস্থাত জমা দিবলৈ সক্ষম হয়, তেন্তে এক পেছো (ফিলিপাইনছৰ মুদ্রা) পুৰস্কাৰ হিচাপে প্রদান কৰা হ’ব৷