🔹 জাপানে প্রথমবাৰলৈ সলনি কৰিলে নিয়ম
বিশেষ বাৰ্তা, ২৫ জানুৱাৰী : প্রতি বছৰে ফেব্রুৱাৰী মাহত জাপানৰ হনশ্বু দ্বীপত উদযাপন কৰা হয় ‘হাডকা মাটছুৰি’ উৎসৱ৷ এই উৎসৱ ‘নগ্ন পুৰুষ উৎসৱ’ নামেৰে পৰিচিত৷ ১২৫০ বছৰ ধৰি চলি থকা এই উৎসৱত প্রথমবাৰলৈ প্রৱেশৰ অধিকাৰ দিয়া হৈছে মহিলাসকলক৷ অৱশ্যে নির্দিষ্ট চর্ত পালন কৰিব লাগিব মহিলাসকলে৷ ফেব্রুৱাৰীৰ তৃতীয় শনিবাৰে ছাইদাইজি কানোনিন মন্দিৰত পালন কৰা হয় এই উৎসৱ৷ আৰম্ভণিৰে পৰা এই উৎসৱত অংশগ্রহণ কৰিব পৰা নাছিল মহিলাসকলে৷ কিন্তু এইবাৰ স্থানীয় মহিলাসকলৰ একাংশই এই উৎসৱত অংশগ্রহণ কৰিব পাৰিব৷ কিন্তু মহিলাসকলে সম্পূর্ণৰূপে পোছাক পৰিধান কৰিব লাগিব৷ আনফালে, প্রথাগত যি সংঘর্ষত পুৰুষসকল লিপ্ত হয়, তাৰ পৰা আঁতৰত থাকিব লাগিব মহিলাসকল৷ প্রথমবাৰলৈ ৪০গৰাকী মহিলাক এই উৎসৱত অংশগ্রহণৰ অনুমতি দিয়া হৈছে৷