🔹 অন্তিমবাৰ মানুহৰ পদচিহ্ন পৰিছিল এক দশক পূর্বে
নিউজ ডেস্ক, ৫ এপ্রিল : এণ্টার্কটিকাৰ ওচৰৰ নির্জন, আগ্নেয় দ্বীপো মার্কিন ৰাষ্ট্রপতি ড’নাল্ড ট্রাম্পৰ শুল্ক নীতিৰ পৰা ৰক্ষা পৰা নাই৷ সেই দ্বীপবোৰত কেৱল আছে হিমবাহ, পেংগুইন আৰু অন্যান্য পক্ষী৷ অষ্ট্রেলিয়াৰ মূল ভূখণ্ডৰ সৈতে এই দ্বীপবোৰৰ ওপৰতো ১০ শতাংশ আমদানি শুল্ক আৰোপ কৰিছে ড’নাল্ড ট্রাম্পে৷ পৃথিৱীৰ অন্যতম প্রত্যন্ত অঞ্চলৰ ভিতৰত পৰে অষ্ট্রেলিয়া ভূখণ্ডৰ সৈতে সংযোজন হৈ থকা হার্ড দ্বীপ আৰু মেকড’নাল্ড দ্বীপ৷ কেৱল পেংগুইনৰ বাহিৰে এই দ্বীপত অন্য প্রাণী নাথাকে৷ এই দ্বীপসমূহত অন্তিমবাৰ মানুহৰ পদচিহ্ন পৰিছিল প্রায় ১ দশক পূর্বে৷ ড’নাল্ড ট্রাম্পে যোৱা বুধবাৰে আৰম্ভ কৰে শুল্ক যুদ্ধ৷ ৰাছিয়াক বাদ দি বিশ্বৰ সকলো দেশৰ ওপৰতে নতুন শুল্ক নীতি আৰোপ কৰিছে ৰাষ্ট্রপতি ট্রাম্পে৷ এই তালিকাত আছে আমেৰিকাৰ বন্ধু ৰাষ্ট্র ভাৰত৷ এনে পৰিস্থিতিৰ মাজত আটলাণ্টিকৰ মানৱবিহীন দ্বীপো ট্রাম্পৰ শুল্ক যুদ্ধৰ পৰা বাদ নপৰিল৷