নিয়মীয়া বাৰ্তা ডিজিটেল, ৭ আগষ্টঃ ভাৰতীয় মল্লযুঁজাৰু ভিনেশ ফ’গাটে অলিম্পিক গেমছত নিজৰ সপোন হেৰুৱাই নহয়, এটা ডাঙৰ পদকো হেৰুৱাইছে। আজি অতিৰিক্ত ওজনৰ বাবে ফাইনেলৰ পূৰ্বে অযোগ্য ঘোষণা কৰা হয় তেওঁক। এই খবৰ ওলোৱাৰ লগে লগে কেৱল ভিনেশ ফ’গাটৰ অনুৰাগী আৰু ক্ৰীড়াপ্ৰেমীয়েই নহয় দেশৰ বিখ্যাত ব্যক্তিয়েও দুখ প্ৰকাশ কৰিছে। অৱশ্যে প্ৰধানমন্ত্ৰী নৰেন্দ্ৰ মোদীয়ে ভিনেশ ফ’গাটক উৎসাহিত কৰি কয় যে তেওঁ চেম্পিয়নৰ চেম্পিয়ন। ছ’চিয়েল মিডিয়া প্লেটফৰ্মত এটা পোষ্টৰ জৰিয়তে প্ৰধানমন্ত্ৰী নৰেন্দ্ৰ মোদীয়ে কয় যে মই জানো যে প্ৰত্যাহ্বানৰ সন্মুখীন হোৱাটো আপোনাৰ স্বভাৱ, আৰু আমি সকলোৱে আপোনাৰ পক্ষত আছো!‘আপুনি চেম্পিয়নৰ চেম্পিয়ন!’