সকলো ৰোগৰে ঔষধ গছ, মূল্য দিয়ক আজিৰ পৰাই

নিয়মীয়া বাৰ্তা, ১৬ এপ্ৰিলঃ আজিৰ সমাজত উদ্ভৱ হোৱা দেখা গৈছে প্ৰকৃতিৰ ভয়ংকৰ ৰূপ। বায়ু প্ৰদূষণ, ভূমিৰ ক্ষয়িভৱন আদি নানানটা সমস্যাত মানৱ জীৱন জর্জৰিত। ই মানৱ স্বাস্থ্যলৈও মাতি আনিছে সমস্যা।

এটা নতুন অধ্যয়নে পৰামৰ্শ দিয়ে যে স্বাস্থ্যৱান হৈ থকাৰ একমাত্ৰ উপায় হৈছে- গছ ৰোপণ কৰা। প্ৰকৃতিৰ যিকোনো ৰোগক বাধা দিয়াৰ ক্ষমতা আছে। প্ৰায় ১১ বছৰ ধৰি সমগ্ৰ বিশ্বতে এটা গুৰুত্বপূৰ্ণ জৰীপ চলোৱা হৈছিল। এই জৰীপত দেখা গৈছে যিসকলে নিয়মীয়াকৈ বাগিচা- এয়া ফুলৰ দুই-চাৰিটা টাবো হব পাৰে- প্ৰতিপালনৰ অভ্যাস কৰে তেওঁলোক অধিক স্বাস্থ্যৱান আৰু মাৰাত্মক ৰোগৰ পৰা নিস্তাৰ পাব পাৰে।

সমীক্ষাটোত কোৱা হৈছে যে যিসকল লোকে বাগিচাত সপ্তাহত মাত্ৰ ১০ মিনিট বা কমেও ১ ঘণ্টা অতিবাহিত কৰে, তেওঁলোকৰ জীৱনৰ বাবে বিপদজনক ৰোগত আক্ৰান্ত হোৱাৰ সম্ভাৱনা ১৮% কম। আকৌ, যিসকলে সপ্তাহত ২.৫ ঘণ্টা বা তেওঁলোকৰ ৰুচি অনুসৰণ কৰিবলৈ প্ৰায় ৫ ঘণ্টা অতিবাহিত কৰে, তেওঁলোকৰ জীৱনৰ বাবে বিপদজনক ৰোগত আক্ৰান্ত হোৱাৰ সম্ভাৱনা ৩১% কম।

কেৱল বাগিচাখনেই নহয়, উদ্যানত বা পথাৰত কিছু সময়ৰ বাবে গছ-গছনিৰ চাৰিওফালে ঘূৰি ফুৰা লোকসকলৰ ক্ষেত্ৰতো ই কাম দিয়ে। এই প্ৰাকৃতিক টনিকে ঔষধতকৈ অধিক কাম কৰে। গতিকে, বেছি দেৰি হোৱা নাই। আপুনিও গছৰ সান্নিধ্য লভি জীৱন অনুপম কৰিব পাৰে।