নিয়মীয়া বাৰ্তা, ৫ মাৰ্চ: মাত্র ৪.৪ মিনিটতে ১৯৭খন দেশৰ পতাকা শুদ্ধভাৱে চিনাক্ত কৰি অভিলেখ গঢ়িলে তামিলনাডুৰ এটি তিনি বছৰীয়া শিশুৱে৷ তিনি বছৰীয়া দর্শন নামৰ শিশুটিয়ে ৪.৪ মিনিটত ১৯৭খন দেশৰ পতাকা চিনাক্ত কৰি ইণ্টাৰনেচনেল বুক অৱ ৰেকর্ডছত নিজৰ নাম অন্তর্ভুক্ত কৰিবলৈ সক্ষম হৈছে৷ প্রতিভাৱান শিশু দর্শনক কালাম ৱর্ল্ড ৰেকর্ডৰে সন্মানিত কৰা হয়৷ তামিলনাডুৰ ভিল্লুপুৰাম জিলাৰ জিবানগৰৰ শশীৰেখা আৰু ভাৰতৰ তিনি বছৰীয়া সন্তান দর্শনে বর্তমান অঞ্চলটোৰ ব্যক্তিগত স্কুলৰ এল কে জিত নামভর্তি কৰিছে৷ ইয়াৰ পূর্বে চাৰি বছৰীয়া ভাৰতীয় শিশু এটিয়ে শুদ্ধ ৰূপত বিশ্বৰ দেশসমূহৰ পতাকা চিনাক্ত কৰি অভিলেখ গঢ়িছিল৷ সেই অভিলেখ তামিলনাডুৰ তিনি বছৰীয়া দর্শনে ভংগ কৰি নতুন অভিলেখ গঢ়ে৷ দর্শনক ইণ্টাৰনেচনেল বুক অৱ ৰেকর্ডছৰ প্রমাণ–পত্র আৰু পদক প্রদান কৰা হৈছে৷ দর্শনৰ মাতৃয়ে প্রকাশ কৰা মতে, শিক্ষাগত পাঠ্যক্রমৰ উপৰি বিভিন্ন দিশৰ দক্ষতা বৃদ্ধি কৰাৰ বাবে শিশুটিক প্রতিদিনে অভ্যাস কৰোৱা হয়৷ এই অভ্যাসৰ সময়তে বিশ্বৰ বিভিন্ন দেশৰ পতাকা চিনাক্তৰ খেল খেলা হয়৷ এনেদৰে দর্শনে বিশ্বৰ দেশসমূহৰ পতাকা চিনাক্ত কৰাত পাৰদর্শিতা বৃদ্ধি পায় আৰু ইণ্টাৰনেচনেল বুক অৱ ৰেকর্ডছত অংশ লৈ অভিলেখ গঢ়ে৷