নিয়মীয়া বাৰ্তা, ২৪ ফেব্ৰুৱাৰীঃ আহমেদাবাদত উপস্থিত হোৱাৰ পাচতেই এতিয়া সৱৰমতী আশ্ৰমলৈ ৰাওনা হৈছে ৰাষ্ট্ৰপতি ড’নাল্ড ট্ৰাম্প আৰু পত্নী মেলেনিয়া ট্ৰাম্প । সৱৰমতী আশ্ৰমত প্ৰায় ২০ মিনিট সময় কটোৱাৰ পাচত ম’টেৰালৈ যাব ৰাষ্ট্ৰপতি গৰাকী । য’ত ট্ৰাম্পক উদ্দেশ্যি গ্ৰহণ কৰা হৈছে ‘নমস্তে ট্ৰাম্প’ শীৰ্ষক এক অনুষ্ঠান । এই ২২ কিলোমিটাৰজোৰা ৰোড শ্ব’ লাখ লাখ লোকে প্রত্যক্ষ কৰিব ৷ বিশ্বৰ সর্ববৃহৎ ম’টেৰাৰ ক্রিকেট ষ্টেডিয়ামত ড’নাল্ড ট্রাম্প আৰু নৰেন্দ্র মোদীয়ে দিনৰ ১.০৫ বজাত লক্ষাধিক লোকক সম্বোধন কৰিব ৷
‘নমস্তে ট্রাম্প’ কার্যসূচীৰ পাছতেই পৰিয়ালসহ ড’নাল্ড ট্রাম্প ৩.৩০ বজাত যাত্রা কৰি ৪.৪৫ বজাত আগ্রা পাবগৈ৷ সন্ধিয়া ৫.১৫ বজাত মার্কিন ৰাষ্ট্রপতিজনে তাজমহল পৰিদর্শন কৰিব৷ তাৰ পাছতেই সন্ধিয়া ৬.৪৫ বজাত নতুন দিল্লীৰ আই টি চি মৌর্য হোটেললৈ নৈশ যাপনৰ বাবে পৰিয়ালসহ ঘূৰি আহিব ট্রাম্প ৷