নিয়মীয়া বাৰ্তা, ১৯ এপ্ৰিলঃ লকডাউনৰ সময়ত দেশবাসীক সহায়ৰ বাবে মন্ত্ৰালয়সমূহে গ্ৰহণ কৰা ভূমিকাক ভূয়সী প্ৰশংসা কৰিছে প্ৰধানমন্ত্ৰী নৰেন্দ্ৰ মোদীয়ে । ক’ভিভ-১৯ ৰ বিৰুদ্ধে যুঁজত মন্ত্ৰালয়ৰ বিভিন্ন পদক্ষেপক প্ৰশংসা কৰি প্ৰধানমন্ত্ৰী মোদীয়ে কয় যে ক’ৰোনা ভাইৰাছ মহামাৰীৰ পৰা নিশ্চিতভাৱে উদ্ধাৰ পাব মানৱ জাতি । ছুইজাৰলেণ্ডৰ প্ৰখ্যাত মেট্টাৰহৰ্ন পৰ্বতমালাত ভাৰতীয় ত্ৰিৰংগাৰ প্ৰতিচ্ছবিৰে দেশখনৰ প্ৰশাসনে ভাৰতৰ ক’ভিড-১৯ ৰ যুঁজৰ সময়ত দেশবাসীক সহমৰ্মিতা প্ৰকাশ কৰা আলোকচিত্ৰক প্ৰধানমন্ত্ৰী মোদীয়ে ৰি-টুইট কৰি কয় যে বিশ্ববাসীয়ে একত্ৰিত হৈ ক’ভিড-১৯ ৰ বিৰুদ্ধে যুঁজি আছে । এই মহামাৰীৰ পৰা নিশ্চিতভাৱে উদ্ধাৰ পাব মানৱ জাতি ৷
উল্লেখ্য যে ছুইজাৰলেণ্ডৰ মেট্টাৰহর্ন পর্বতত এহাজাৰতকৈও অধিক মিটাৰৰ ত্রিৰংগ পতাকা অংকিত কৰি ভাৰতবাসীক অতি সহমর্মিতা প্রকাশ কৰিছিল দেশখনৰ পর্যটন বিভাগে ৷ প্রধানমন্ত্রী মোদীয়ে এই আলোকচিত্রক ৰি–টুইট কৰি জাৰমেত পর্যটনক ধন্যবাদ জ্ঞাপন কৰাৰ লগতে মহামাৰীৰ বিৰুদ্ধে বিশ্ববাসীয়ে একত্রিত হৈ যুঁজি থকা বুলি মন্তব্য কৰে৷ তদুপৰি প্রধানমন্ত্রীগৰাকীয়ে বিভিন্ন মন্ত্রালয় আৰু কেবিনেট মন্ত্রীয়ে লকডাউনৰ সময়ত জনতাক সহায় কৰা টুইটসমূহকো ৰি–টুইট কৰি ধন্যবাদ জ্ঞাপন কৰে৷ ৰে’লমন্ত্রী পীয়ূষ গোৱেলৰ টুইটক প্রশংসা কৰি প্রধানমন্ত্রী মোদীয়ে কয় যে ভাৰতীয় ৰে’লৱেৰ টীমক লৈ তেওঁ গৌৰৱান্বিত৷ জটিল সন্ধিক্ষণত টীমটোৱে দেশৰ নাগৰিকক সহায় কৰি আছে ৷ তদুপৰি প্রধানমন্ত্রী মোদীয়ে অসামৰিক পৰিবহণ মন্ত্রী, পেট্র’লিয়াম মন্ত্রী আদিৰো টুইটক প্রশংসা কৰে ৷