নিয়মীয়া বাৰ্তা, ১৬ জানুৱাৰীঃ আজি তামিলনাডুত অনুষ্ঠিত হোৱা পৰম্পৰাগত খেল জালিকাট্টুত আঘাতপ্ৰাপ্ত হৈছে ৩০ জনকৈ লোক । মকৰ সংক্ৰান্তিৰ পাচতেই অসমত যিদৰে পহিলা মাঘৰ দিনা পৰম্পৰাগত ম’হ যুঁজ অনুষ্ঠিত হয় ঠিক তেনেদৰেই তামিলনাডুত অনুষ্ঠিত হৈ আহিছে জালিকাট্টু ।
জালিকাট্টু খেলৰ নিয়ম অনুসৰি এটা উদণ্ড ষাড় গৰু মুকলি কৰি দিয়াৰ পাচত যিজন লোকে বশ কৰিব পাৰিব তেৱেই জয়ী হ’ব এই প্ৰতিযোগিতাত । আজি তামিলনাডুৰ মাডুৰাইৰ পালামেডুত অনুষ্ঠিত হোৱা এই পৰম্পৰাগত খেলৰ মাজতে ঘটে ভয়ংকৰ ঘটনা । ঘটনা অনুসৰি ৩০ জন লোক আঘাতপ্ৰাপ্ত হয় এই খেলত । ইতিমধ্যে ৬ জন লোকক উন্নত চিকিৎসাৰ বাবে ভৰ্তি কৰোৱা হৈছে মাডুৰাইৰ ৰাজাজী হাস্পতালত ।