নিয়মীয়া বাৰ্তা, ২৩ নৱেম্বৰঃ শনিবাৰে পুৱাই মহাৰাষ্ট্ৰত বিজেপিয়ে চৰকাৰ গঠন কৰাৰ পাচতেই এতিয়া ৰাজনৈতিক মহলত অব্যাহত আছে ক্ৰিয়া-প্ৰতিক্ৰিয়া । মুখ্যমন্ত্ৰী ৰূপে বিজেপিৰ দেৱেন্দ্ৰ ফাড়নাৱিছ আৰু উপ-মুখ্যমন্ত্ৰী ৰূপে এন চি পিৰ অজিত পাৱাৰে শপত বাক্য পাঠ কৰাৰ পাচতে এতিয়া নিজৰ প্ৰতিক্ৰিয়া প্ৰকাশ কৰিছে এন চি পি প্ৰধান শাৰদ পাৱাৰে । শনিবাৰে এক গুৰুত্বপূৰ্ণ টুইটৰ জৰিয়তে এনচিপিয়ে অৰ্থাৎ ৰাষ্ট্ৰীয়তাবাদী কংগ্ৰেছ পাৰ্টীয়ে কোনো কাৰণতে বিজেপিক সমৰ্থন নকৰে বুলি কোৱাৰ লগতে অজিত পাৱাৰৰ এইয়া নিজা সিদ্ধান্ত বুলিও কয় শাৰদ পাৱাৰে ।
Ajit Pawar’s decision to support the BJP to form the Maharashtra Government is his personal decision and not that of the Nationalist Congress Party (NCP).
We place on record that we do not support or endorse this decision of his.— Sharad Pawar (@PawarSpeaks) November 23, 2019
উল্লেখ্য যে, শুকুৰবাৰে এন চি পি, কংগ্ৰেছ আৰু শিৱসেনাৰ মাজত হোৱা গুৰুত্বপূৰ্ণ সিদ্ধান্ত মৰ্মে উদ্ধৱ থাকৰেৰ নাম চূড়ান্ত হৈছিল মুখ্যমন্ত্ৰী ৰূপে । কিন্তু তাৰ পাচতেই শনিবাৰে পুৱাই মহাৰাষ্ট্ৰৰ পৰা ৰাষ্ট্ৰপতি শাসন উঠাই দিয়া হৈছিল আৰু পুৱা ৮ বজাত মুখ্যমন্ত্ৰী আৰু উপ-মুখ্যমন্ত্ৰী ৰূপে শপত গ্ৰহণ কৰে দেৱেন্দ্ৰ ফাড়নাৱিছ আৰু অজিত পাৱাৰে । এই বৃহৎ পট পৰিৱৰ্তনৰ পাচতে এতিয়া এন চি পি প্ৰধানৰ শেহতীয়া বক্তব্যই বিশেষ তাৎপৰ্য বহন কৰিছে ।