নিয়মীয়া বাৰ্তা, ১০ মে’ : ক’ভিড–১৯ ৰোগীক অনুসৰণ কৰাৰ বাবে কেন্দ্রীয় চৰকাৰে প্রস্তুত কৰি উলিওৱা আৰোগ্য সেতু নামৰ ‘এপ’টো বিশ্বৰ ভিতৰতে সর্বাধিক লোকে ডাউনলোড কৰিছে ৷ সমগ্র বিশ্বত প্রস্তুত কৰা দহটাকৈ ‘স্বাস্থ্য সেৱা এপ’ৰ ভিতৰত আৰোগ্য সেতু সর্বাধিক জনপ্রিয় হিচাপে পৰিগণিত হৈছে ৷ এই কথা জানিবলৈ দিছে নিটি আয়োগৰ মুখ্য কার্যবাহী বিষয়া অমিতাভ কান্তে৷ যোৱা ৪ মে’লৈকে প্রায় ৯ কোটি লোকে ম’বাইলযোগে আৰোগ্য সেতু ডাউনলোড কৰিছে৷ উল্লেখ্য যে কেন্দ্রীয় চৰকাৰে ক’ভিড–১৯ মহামাৰীৰ সংক্রমণৰ প্রতি লক্ষ্য ৰাখি চৰকাৰী কর্মচাৰী আৰু ব্যক্তিগত খণ্ডৰ কর্মচাৰীৰ বাবে এই এপ ডাউনলোড কৰাটো বাধ্যতামূলক বুলি ঘোষণা কৰিছে ৷