নিয়মীয়া বাৰ্তা, ২৫ মাৰ্চঃ ক’ৰোনা ভাইৰাছৰ প্ৰতি লক্ষ্য ৰাখি ৩১ মাৰ্চ পৰ্যন্ত দেশৰ দূৰণিবটীয়া ৰে’ল, এক্সপ্ৰেছ আৰু পেছেঞ্জাৰ ৰে’ল বাতিল কৰা হৈছিল যদিও বুধবাৰে ইয়াৰ সময়সীমা বৃদ্ধি কৰা হয় । উত্তৰ-পূব সীমান্ত ৰে’লৱেৰ জনসম্পৰ্কৰক্ষী বিষয়া নৃপেন ভট্টাচাৰ্যই এক জাননীৰ জৰিয়তে আগন্তুক ১৪ এপ্ৰিললৈকে ৰেলসেৱা বন্ধ থকাৰ কথা ঘোষণা কৰে । এই সময়ছোৱাত কেৱল মালগাড়ীসমূহহে চলাচল কৰি থাকিব বুলিও বিবৃতিটোত উল্লেখ কৰে বিষয়া গৰাকীয়ে ।
উল্লেখ্য যে, ক’ৰোনা ভাইৰাছৰ প্ৰতি লক্ষ্য ৰাখি মঙলবাৰে সন্ধ্যা দেশৰ প্ৰধানমন্ত্ৰী নৰেন্দ্ৰ মোডীয়ে আগন্তুক ২১ দিনৰ বাবে দেশত লকডাউন ঘোষণা কৰাৰ পাচতেই বুধবাৰে ৰে’ল বিভাগে প্ৰেৰণ কৰে এই জাননী ।